Kabisera ng Chile nabalot ng puti dahil sa rare snowfall

Nabalot ng puti ang kabisera ng bansang Chile matapos ang isang rare snowfall nitong Martes, na siyang ikinagulat ng mga residente.

Nakuhanan ng drone ang metropolitan area ng Santiago na nababalutan ng niyebe. Ayon sa lokal na media, ang snow ay tumama sa mga bahagi ng mga komunidad tulad ng Lo Barnechea, Las Condes, Vitacura, Puente Alto, La Reina, at Pirque.

Pinayuhan ng mga awtoridad ang mga residente sa Santiago Metropolitan Region na magbihis nang naaayon at mag-ingat sa pagmamaneho.

Ayon sa data ng Office of the Superintendent of Electricity and Fuels, 225,000 katao ang nakakaranas ng mga isyu sa supply ng kuryente.

Nangyari na rin dati ang pag-ulan ng niyebe sa kabisera. Noong Hulyo 2020, lumitaw ang niyebe sa silangang bahagi ng kabisera, partikular sa commune ng Lo Barnechea. Noong Hulyo 2017, nagising ang mga residente ng Santiago sa pambihirang pag-ulan ng niyebe na tumakip sa kabisera at nagdulot ng malawakang pagkawala ng kuryente.