Nagbigay update ang aktor na si John Lloyd Cruz para sa balik tambalan nila sa pelikula ni Sarah Geronimo na wala pang final title. Pero ayon kay John Lloyd ibang iba ito sa mga nagawa nila ni Sarah.

“Nakakapanibago siya, bago para sa amin ni Sarah and bagong direktor pero iyun naman ang dahilan hindi naman pwede lahat na lang nakasanayan na lang natin,” unang bungad nito.

Dahil parehong busy ang dalawa, kuwento ni John Lloyd hindi pa sila nagkakaroon ng bonding moment ni Sarah.

“Nakikita ko lang siya kapag may shooting nakikita ko siya kapag nagpe perform siya pero sa personal im still guessing it's been a while since huling nagsama kami medyo nagkakapaan pa ulit,” sabi ni Lloydie.

Bukod sa pinagkakaabalahan na pelikula, abala rin si John Lloyd para sa nalalapit na pagsisimula ng teleseryeng La Luna Sange kung saan makakasama niyang muli si Angel Locsin. Naging hot topic sa social media kamakailan ang teaser ng serye.

Aniya sadyang nabilad sila sa init ng araw dahil sa mga naging eksena sa La Luna Sangre na dapat abangan ng manonood.

“With so much heart! Exciting ito abangan niyo,” pahayag ng aktor.