Jericho Rosales, magbabalik telebisyon

Balik-telebisyon ang aktor na si Jericho Rosales para sa bagong teleserye.

Sa Instagram, masayang ibinalita ng RSB Scripted Formats ang pagbabalik ng tinaguriang Asian Drama King sa primetime isang taon matapos ang tagumpay ng kanyang huling serye na "Halik".

View this post on Instagram

After #Halik, Asian Drama King @jerichorosalesofficial is back on Primetime! Abangan! #RGEDramaUnit #RSBScriptedFormat

A post shared by RSB Scripted Formats ABS-CBN (@rsbscriptedabscbn) on Feb 5, 2020 at 2:03am PST

Ang RSB Scripted Formats ang entertainment production group sa likod ng mga sikat na palabas na "Make It With You", "A Soldier's Heart", "The Killer Bride" at "Pamilya Ko".

Hindi naman inanunsyo kung sino ang mga makakasama ni Jericho, o kung kailan ipapalabas sa telebisyon ang nasabing proyekto. Maging ang director ng palabas ay hindi rin pinangalanan.

Matatandaan na noong Abril, sinabi ni Jericho, 40, na magpapahinga muna siya sa paggawa ng teleserye upang "i-repackage" ang kanyang sarili bilang artist. Aniya, mas gusto na muna niyang mag-concentrate sa paggawa ng mga pelikula at digital content para sa iWant TV