Lilipat na sa TV5 network ang dating Eat Bulaga! hosts na sina Tito Sotto, Vic Sotto, at Joey de Leon.

Ito ang kinumpirma ng Mediaquest President at CEO na si Jane Basas nitong Miyerkules, June 7.

"I'm happy that Tito, Vic, and Joey will now call TV5 their home,” pahayag ni Basas.

"I'm honored that these pillars of the Philippine entertainment industry have agreed to work with us. Our partnership strengthens our ability to continue to deliver the best for Filipino viewers here at home and all over the world,” dagdag niya.

Ayon naman kay Sotto, “We are thankful to our friends at Mediaquest for this fresh start. Dahil sa ating mga Dabarkads na naging Kapatid, tuloy pa rin ang tuwa't saya na aming dala.”

Matatandaang noong May 31 nang inanunsyo nina Tito, Vic, at Joey — o mas kilala bilang TVJ — ang pag-alis nila sa TAPE Inc. na producer ng Eat Bulaga!.

“Simula ngayong araw, May 31, 2023, kami po ay magpapaalam na sa TAPE Inc. Karangalan po namin na kami ay nakapaghatid ng tuwa’t-saya mula Batanes hanggang Jolo at naging bahagi ng mga buhay ninyo,” ani Vic. “Maraming salamat sa inyong lahat.”

READ: Vic Sotto, Tito Sotto, Joey de Leon announce departure from TAPE Inc.

Matapos ang kanilang anunsyo ay nagpasyang mag-resign din ang iba pang hosts at production team ng Eat Bulaga! na sina Paolo Ballesteros, Jose Manalo, Maine Mendoza, Ryzza Mae Dizon, Wally Bayola, Ryan Agoncillo, at Allan K.

Pahayag ng TAPE, bagama't nirerepeto umano nila ang desisyon ng hosts na umalis ng Eat Bulaga! at ng GMA-7 network, "hindi [ito] dahilan para tumigil ang pag-ikot ng mundo."

“It is unfortunate, but life must go on. As with life, we have to accept changes but we have a duty to every Filipino,” pahayag ng TAPE.

READ: TAPE naglabas ng official statement tungkol sa pag-alis ng hosts at staff ng ‘Eat Bulaga’

Nito lamang Lunes, June 5, nang ipinakilala ng TAPE ang mga bagong hosts ng long-running noontime show na Eat Bulaga!, kabilang na sina Paolo Contis, Buboy Villar, Betong Sumaya, Alexa Miro, at celebrity twins na sina Cassy at Mavy Legaspi.