MANILA -- Nagbahagi ng kanyang karanasan si Atom Araullo sa paggawa niya ng pelikulang "Citizen Jake" sa direksyon ni Mike de Leon.

• BASAHIN: Atom to make movie debut in new Mike de Leon film

Sa "Umagang Kay Ganda" nitong Lunes, inamin ni Atom na mapalad siyang makatrabaho si de Leon.

"Si Direk Mike talagang sabihin natin ay very passionate sa kanyang filmmaking. Para sa mga nanonood ng pelikula at kilala siya ay alam kung gaano siya ka perfectionist at talagang uncompromising nga ano kung ano ang kanyang vision sa pelikula," ani Atom.

"Kami ni Direk Mike ay magkaiba kami ng personalities, so may mga times na may malalimang diskusyon. Pero actually ang dami ko talagang natututunan sa kanya. Alam kong napakaswerte kong makatrabaho siya," dagdag ni Atom.

Si De Leon ay kilala sa kanyang mga pelikula tulad ng "Kisapmata," "Batch '81" at "Sister Stella L."

Sa naunang panayam, inamin ni Atom na nabigla siya nang ialok sa kanya ni De Leon ang "Citizen Jake."

Makakasama din ni Atom sa nasabing pelikula ang aktres na si Cherie Gil.

• BASAHIN: Cherie Gil excited to work on film with Atom Araullo