JC Santos, nag-react sa karakter sa 'Ang Probinsyano'

Watch more in iWantv or TFC.tv

MANILA -- Kinaiinisan at isang malaking hadlang sa "FPJ's Ang Probinsyano" ang karakter ng aktor na si JC Santos.

Aminado si JC na maraming suki ng top-rating teleserye ang irita sa kanya ngayon.

“Sobrang daming galit sa akin. Sabi ko, ‘sa writers po ha, hindi po ako ang may kasalanan,'” JC.

Nagbigay sampol pa si JC ng mga mensahe na natatanggap niya sa social media.

“Mamatay kana sana! As in hindi 'yung Marco ha, nakalagay 'yung JC Santos. Ganoon na ang mga nababasa ko,” ani JC.

Pero imbes na magalit natutuwa si JC dahil effective ang kanyang pagkakaganap bilang kontrabida.

“Wow, okay thankful. Kasi nag-work 'yung character ko, nag wo-work 'yung mga ginagawa ng writers and ng director sa mga eksena namin,” ani JC.

Sa ngayon, excited na si Jc sa nalalapit na pagbubukas ng Pista ng Pelikulang Pilipino ngayong Agosto 15 kung saan mapapanuod ang “The Day After Valentine’s” kasama si Bela Padilla.