MANILA – Nagsimulang masilayan ang penumbral lunar eclipse sa Pilipinas kaninang 1:52 ng umaga.

Ayon sa weather specialist ng PAGASA na si Allan Alcaraz, ito ay natural na phenomenon kung saan nagrerealign ang planeta, ang araw at ang buwan.

Pero hindi gaanong makikita ang pagbabago sa hitsura ng buwan dahil sabi niya ay nasa mas maliwanag na parte ng anino ang eclipse.

Pero may tila halo o ring sa paligid ng buwan, na reflection umano ng mga crystal-like substances sa ulap na nagpapakitang masama ang panahon at nagbabadya ng pag-ulan.

Nagtagal ang eclipse ng dalawang oras at natapos kaninang 2:57 ng umaga.

Masisilayan ulit ang ganitong phenomenon sa Pilipinas sa taong 2020.

Magkakaroon pa ng ibang lunar eclipse sa loob ng apat na taon, pero matatapat na umaga sa Pilipinas kaya hindi ito masisilayan sa bansa.