Negosyanteng dawit sa P6.4 bilyon 'shabu' smuggling case arestado

JUST IN: Naaresto na ng NBI ang negosyanteng si Kenneth Dong na isinasangkot sa P6.4 billion shabu shipment | ulat ni @michael_delizo pic.twitter.com/PYyP7Xo2R5

— DZMM TeleRadyo (@DZMMTeleRadyo) February 4, 2019

(UPDATED) Inaresto ngayong Lunes ng National Bureau of Investigation (NBI) ang isang negosyanteng isinasangkot sa P6.4 bilyon "shabu" shipment na nakalusot sa Bureau of Customs noong Mayo 2017.

Kinumpirma ni NBI Anti-Drug Division head Joel Tuvera na nasa kustodiya na sila si Dong Yi Shen o alyas "Kenneth Dong."

Inaresto si Dong sa bisa ng isang alias warrant of arrest sa Katarungan Village, Muntinlupa City alas-2 ng hapon.

Ipi-prisinta raw si Dong sa press conference sa Miyerkoles.

Sinasabing si Dong ang middleman sa pagkakapuslit ng higit P6 bilyong pisong halaga ng shabu sa Valenzuela City noong 2017.

Itinanggi naman ni Dong ang paratang at sinabing nakaladkad lang siya sa isyu.

• Who is Kenneth Dong?

--Ulat ni Michael Delizo, ABS-CBN News