Mga driver, konduktor ng provincial bus, humihirit ibalik ang terminal sa EDSA

Watch more in iWantv or TFC.tv

Humihirit ang ilang mga driver at konduktor ng provincial buses na ibalik ang terminal nila sa EDSA. Paliwanag nila, nais nila bumalik sa dati ang kanilang kinikita.

Bumaba na ulit ang Metro Manila sa Alert Level 2 at mga kalapit na probinsya pero hirap pa rin daw kumita ang mga provincial bus drivers at mga kunduktor.

Kwento nila, 70% capacity ang pinapayagan pero, halos tuwing Biyernes o Sabado lang nila napupuno ang mga bus.

Kaya hirit nila, ibalik na sana ang terminal nila sa Buendia.

Maliban sa mga hamon na dala ng pandemya, malaki raw kasi ang nabawas na pasahero mula nuong nilipat ang terminal nila sa PITX at pinagbawalan sila dumaan sa EDSA.

Kwento naman ng kunduktor, kumonti ang pasahero dahil hindi naging kumbinyente ang lokasyon ng terminal para sa iba.

Sang ayon din ang ilang pasahero dito na madalas bumibyahe. Paliwanag nila mas praktikal at kumbinyente ang ruta ng bus kung dumadaan ito sa EDSA.