34 pulis sa Batangas nagpositibo sa COVID-19

BATANGAS CITY - Nagpositibo kamakailan sa COVID-19 ang 34 pulis sa Batangas, ayon sa Batangas Police Public Information Office.

Sa datos, 28 dito ay bagong pasyente na nag-positibo sa sakit nito lamang buwan ng Abril.

Kasalukuyang nagpapagaling sila sa quarantine facility ng Police Provincial Office sa Batangas City habang ang iba ay nasa quarantine facility ng lokal na pamahlaan kung saan sila naka-destino.

• Paglobo ng COVID-19 cases sa Pampanga, Batangas dapat tutukan: OCTA

Sa kabuuang 199 kumpirmadong kaso ng COVID-19 sa hanay ng pulisya sa Batangas, 165 sa mga ito ang gumaling na.

Mayroon pang 10 probable at 2 suspected cases na patuloy na inoobserbahan.

Samantala, nasa 195 na ang pulis na nabakunahan laban sa COVID-19 sa probinsya.

Ang 183 rito ay Police Non-Commissioned Officer, 7 ang Police Commissioned Officer at 5 ang Non-Uniformed Personnel.

- Ulat ni Andrew Bernardo