Push Admin

Gagamit ng bisikleta sa pag-commute? Cycling enthusiast may tips

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="https://sa.kapamilya.com/absnews/abscbnnews/media/2020/tvpatrol/04/08/20200407-covid19-lockdown-frontliners-bike-jvc-2-s.jpg"/><figcaption>Nagbibisikleta sa EDSA ang ilang health workers habang nananatiling suspendido ang public transportation sa Luzon dahil sa enhanced community quarantine noong Abril 8, 2020. Jire Carreon, ABS-CBN News</figcaption></figure></div>MAYNILA – Maraming tao ang gumagamit ng bisikleta sa kanilang pag-commute matapos ipagbawal ang pampublikong transportasyon mula nang ipatupad ang enhanced community quarantine sa ilang bahagi ng bansa, kabilang ang Metro Manila.Kahit lumuwag na ang mga quarantine measures sa malaking bahagi ng bansa, marami pa rin ang pinipiling magbisikleta, dahilan para <a href="https://news.abs-cbn.com/news/06/03/20/taguig-san-juan-nagtakda-ng-kani-kanilang-bike-lanes">maglunsad</a> ang ilang lokal na pamahalaan ng mga bike lane.Sa programang “Red Alert” ng Teleradyo ngayong Linggo, nagbahagi ang cycling enthusiast na si Gregorio Larrazabal ng mga bagay na dapat isaalang-alang kapag bibili ng bisikleta o gagamitin ang naturang sasakyan sa pag-commute.Ayon kay Larrazabal, na dating Comelec commissioner, mahalagang kapag bibili ng bisikleta ay pumili ng may sukat na angkop sa tangkad ng gagamit.<figure class="op-interactive"><iframe height="315" src="https://www.youtube.com/embed/k4X9R3swFLU?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>Kapag sobrang laki kasi ng bisikletang ginagamit ay maaaring hindi makapadyak nang maayos ang siklista.“Susukatin mo &#x27;yong size ng bike kung tama sa&#x27;yo kasi, even if you buy an expensive bike, pero kung hindi sukat sa&#x27;yo, hindi ka talaga kumportable,” ani Larrazabal.Dapat din daw ay swak sa pangangailangan o gamit ang bisikletang bibilhin.“For example, for commuting, you don’t need an expensive bike,” ani Larrazabal.“Ang importante &#x27;yong bike na medyo makapal &#x27;yong tires, may front suspension,” aniya.Kung para sa pag-commute, mahalaga rin umanong kumuha ng bisikleta kung saan ang magiging posisyon ng siklista ay upright o tuwid para makita ang trapiko sa harapan.Ipinayo ni Larrazabal ang pagbili ng helmet na may mga butas-butas.Bukod sa pagbibigay ng proteksiyon sa ulo, ang mga butas sa helmet ay paraan din umano para hindi pagpawisan ang ulo ng siklista.“You get a helmet na may butas to let the cold air in and pull the hot air out, para pag-bike mo, &#x27;di ka masyadong pawis,” paliwanag niya.Iginiit din ni Larrazabal ang halaga ng paggamit ng gloves, na nagsisilbing proteksiyon sa kamay sakaling madisgrasya ang siklista.Ibinida rin ni Larrazabal ang gloves na umiilaw, na maaaring magsilbing signal sa ibang motorista kapag kakaliwa o kakanan ang siklista.Layunin ng quarantine measures na ipinatupad simula noong Marso na makontrol ang pagkalat ng coronavirus disease 2019 (COVID-19).

Maraming tao ang gumagamit ng bisikleta sa kanilang pag-commute kasunod ng pagbabawal sa pampublikong transportasyon noong may enhanced community quarantine sa ilang bahagi ng bansa, kabilang ang Metro Manila.

Maraming tao ang gumagamit ng bisikleta sa kanilang pag-commute kasunod ng pagbabawal sa pampublikong transportasyon noong may enhanced community quarantine sa ilang bahagi ng bansa, kabilang ang Metro Manila.