PNP dapat magkaroon ng mental health program - Biazon

MAYNILA - Dapat magkaroon na ng mental health program ang Philippine National Police (PNP) para sa kanilang mga tauhan.

Ito ang isinusulong ni Muntinlupa City Rep. Ruffy Biazon kasunod ng napabalitang pananampal ng isang pulis sa isang bus driver.

• Pulis na nanampal ng driver tanggal sa puwesto

PANOORIN: Viral video ng pulis na nanampal ng bus driver sa Baclaran Church sa Parañaque nitong Miyerkoles. (📹: Joel Ontong) pic.twitter.com/mY1pR5z38o | via @zhandercayabyab

— DZMM TeleRadyo (@DZMMTeleRadyo) July 26, 2018

Nauna nang sinabi ni PO1 Edmar Costo na nasampal n'ya ang bus driver matapos itong sitahin dahil sa reckless driving pero tinangka ng driver na suhulan siya ng P100 pang-areglo.

Sa Twitter, sinabi ni Biazon na nakakaapekto na sa "state of mind" ng mga pulis ang stress na pinagdadaanan nila sa araw-araw na trabaho.

This incident by a policeman who slapped a bus driver should compel the PNP to institute a mental health program for their policemen. The stresses of their job can take its toll on their state of mind.

— Ruffy Biazon (@ruffybiazon) July 26, 2018

Miyembro si Biazon ng House panel sa Congress Bicameral Conference sa Mental Health Bill.

Isinulong din nito na dapat magkaroon ng mental health care ang mga sundalong lumaban sa Marawi na maaaring apektado ng Post Traumatic Stress Disorder.

Nauna nang nagsalita si Sen. Chiz Escudero tungkol sa isyu, at sinabing hindi sapat ang paglilipat lang sa puwesto sa mga abusadong pulis.

• Tanggal serbisyo, 'di sa pwesto: Pag-transfer sa abusadong pulis dapat itigil - Chiz