165 babaeng inmate sa Las Piñas, nag-negatibo sa COVID-19 rapid test

165 inmates sa female dorm ng Las Piñas City Jail, nag-negative sa rapid testing para sa COVID-19 (Kuha mula sa Las Piñas City PIO) pic.twitter.com/LUBrdtrY8z

— Anjo Bagaoisan (ᜀᜈ᜔ᜇᜒᜌᜓ ᜊᜄᜏᜒᜐᜈ᜔) (@anjo_bagaoisan) May 11, 2020

Nagnegatibo sa coronavirus disease 2019 (COVID-19) ang pambabaeng dormitoryo ng Las Piñas City Jail matapos lumabas na walang positibo sa 165 inmates nito na isinailalim sa rapid testing nitong Lunes.

Ayon sa Las Piñas City public information office, ginawa ang testing para maiwasan ang pagkalat ng COVID-19 sa mga lugar gaya ng mga kulungan na malapit magkakasama ang mga tao.

Kasama ang mga sinuri sa city jail sa pinaggamitan ng 1,000 FDA-approved rapid testing kits na donasyon ni Las Piñas City Mayor Mel Aguilar mula sa isang taong sahod niya.

Nasa 600 ng mga testing kits ay inilaan para sa health workers at ibang frontliners ng lungsod.

Patuloy ang testing na dinadaan din sa kada barangay.

Nitong Lunes, nasa 209 na ang kumpirmadong kaso ng COVID-19 sa siyudad na may 23 na ang namatay, at 56 ang gumaling na.