PASAY CITY — Tumagilid ang isang container van matapos umanong mahulog mula sa isang truck na nakaparada sa gilid ng northbound lane sa Gil Puyat Avenue sa Pasay City pasado alas-11 ng gabi, Sabado, October 19.

Ayon sa pulisya, nasa apat ang nagtamo ng minor injuries na ginagamot na ngayon sa ospital.

Ayon sa driver ng 14-wheeler truck na tumanggi munang humarap sa camera, idinidiskarga ang mga cabinet at plywood na dala nila nang bigla umanong nawalan ng balanse ang container van.

Kasalukuyang iniimbestigahan ng Vehicular Traffic Investigation Section ng Pasay City Police ang insidente.