Heat stroke sa pets: Ano ang mga sintomas, paunang lunas dito?

The dogs housed inside Hope for the Angels Shelter are given regular baths twice a week due to the scarcity of water in the dog shelter. Maria Tan, ABS-CBN News

MAYNILA — Nagpaalala ang isang beterenaryo sa mga pet owners na protektahan ang kanilang mga alaga sa gitna ng matinding init ng panahon sa Pilipinas. 

Pet dogs and strays suffer in Asia heatwave

"Hindi lang naman tayong mga tao ang naaapektuhan ng init na ito. We have to protect them," sabi ni Dr. Zarah Rosuello ng Z Animal Clinic sa panayam ng Teleradyo Serbisyo nitong Biyernes.

Aniya, pati mga alagang hayop ay posible ring atakihin ng heat stroke.

"When we say heat stroke, nagkakaroon sila ng inability to dissipate yung na-accumulate nila na heat... Masyado nang mataas yung temperature for the body to tolerate, nagkakaroon ng physiologic changes," sabi nya.

SINTOMAS NG HEAT STROKE SA PETS

Ang pinakakaraniwang sintomas umano na hindi na kinakaya ng aso o pusa ang matinding init ay ang panting o pagkahingal.

"Excessively panting, yun yung initial sign... Akla natin parang natural lang, naka-rest lang sila while panting, but then there's excessive panting na, sometimes worse bigla na lang sila magco-collapse," sabi ni Rosuello.

ALAMIN: Iwas-heat stroke tips sa mga alagang aso

"The reason why they're panting is for them to cool down, but then if you noticed na excessive na talagang difficulty breathing, hindi pa yun too late but it could be a sign na they're overheating, hyperthermic, mataas na sa 39.5 degree Celsius."

Dagdag pa niya, "mataas ang chance kapag obese ang pets."

FIRST AID

Kung excessive na ang panting ng alagang hayop, narito ang ilang paunang lunas na pwedeng gawin: 

• Painumin ng tubig

• Ilayo sa direct sunlight

• Pumunta sa lilim

• Tapatan ng electric fan o dalhin sa mas malamig na lugar

Kung sakaling hinimatay na ang alagang hayop, hindi inirerekomenda ni Rosuello na bigla na lang buhusan ng tubig ang naturang hayop para bumaba ang temperatura.

Dog days aren't over: How to manage heatstroke in pets

"Hindi puwedeng sudden... Kung nakita niyo nang nag-collapse, you do not immediately turn the temperature down, kasi nagthe-thermal shock din naman sila so you have to do it gradually."

"You do not put ice on top of them, but you can spray alcohol sa paws, singit singit, sa maninipis na parte ng balat. Soak their limbs sa tap water," dagdag niya.

TIPS PARA IWAS HEAT STROKE ANG PETS

Narito ang ilang tips ni Rosuello upang maging komportable ang pets sa gitna ng matinding init.

Hope for the Angels Shelter provides loving home for neglected dogs

Tulad ng mga tao, kailangan ring uminom ang mga alaga ng maraming tubig.

"For animals, they have to consume at least 100ml to 300ml a day depending on their body weight"

Iwasan ilakad o i-exercise ang pets habang tirik ang araw lalo't mainit ang mga sementong nilalakaran nila.

"Usually we observe [heat stroke] from pets during exercise.. Even 8 in morning it's already hot. I recommend walking them not later than 7 a.m. or in the afternoon kahit 6 p.m. na or later in the evening, before sleeping."

"Be considerete sa animals," dagdag ng beterenaryo.

KAUGNAY NA VIDEOS