Janno Gibbs at Anjo Yllana pinuri si Xian Lim bilang direktor

Si Xian Lim ang direktor ng comedy film na Hello, Universe na reunion project nina Janno Gibbs at Anjo Yllana sa Viva Films. First time nina Anjo at Janno na maidirek ng isang baguhang direktor pero puring-puri naman nila si Direk Xian.

“I’m friends with Xian but it’s my first time being directed by Xian. Siya rin ang nagsulat nitong Hello, Universe, so he’s really the captain of the ship.

“He knows what he’s doing. Impressive ang shooting namin – the shots, the story, the screenplay. Kaya naman tuloy lang kami kahit na mahirap, madami kaming eksena sa bawat araw because we know what we’re doing is a nice film and that’s because of Xian,” kuwento ni Janno.

Sabi naman ni Anjo, “Si Direk sa experience ko, very talented siya. Marami siyang ideas, bago, mga hindi ko pa nakikita noon. And siguro, isang katangian ni Direk na gustung-gusto namin, kahit gaano kagaling si Direk kahit siya yung nagsulat, siya yung nagdirek, alam niya yung ginagawa niya pero pag nag-suggest kami tatanggapin niya.

“So, nakakatuwa kasi kahit kaya niya naman mag-isang gawin yon nagkakaroon pa lalo kami ng camaraderie sa shooting. And I know, in the future, talagang marami pang gagawing pelikula si Direk na mas magaganda pang pelikula.”

BASAHIN: Xian Lim pens sweet message for ‘travel partner’ Kim Chiu

Para naman sa sexy star at content crearot na si Sunshine Guimary na kasama rin sa Hello, Universe ay sobrang relax katabaho ang baguhang direktor.

Aniya, “For me, napakasarap magkaoon ng direktor na at the same time aktor din. Kasi ramdam niya ang bawat isa kasi ramdam niya yung pagod ng mga artista kaya masarap magkaroon ng director/actor dahil nararamdaman niya ang bawat isa.”

Nagbigay naman ng reaksyon si Xian sa sinabi ng kanyang cast na ang karamihan ay mas beterano sa kanya pagdating sa comedy.

“Napakasarap sa pakiramdam na sila po yung nakasama ko sa pelikulang ito. It’s because very collaborative po yung environment namin and everyone was willing to give their 100 percent,” sey ni Xian.

“Walang nag-hold back. Kumbaga, lahat willing na, ‘Okay, mapapagod kami dito, mapupuyat kami, may chance na magkasakit kami dito, but we will give it our all, we will improve doon sa nakasulat sa script and we will just have fun along the way.’

“Yon lang naman po talaga yung naging rule sa buong pag-shoot—to have fun and if you’re not having fun you’re doing it wrong. And it was such a plus na idol na idol ko sina Kuya Janno, Anjo Yllana. Bata pa lang po ako pinapanood ko na po sila. Kaya po ako nagkaganito dahil sa kanila, eh,” natatawa niyang pahayag.

BASAHIN: Families of Ogie Alcasid, Janno Gibbs reunite over the holidays

Ano ba ang mai-expect ng audience sa reunion movie nina Janno at Anjo?

“Hopefully, yung mga millennials ngayon na hindi tayo napapanood dati, sila ang target namin. And at the same time yung mga dati ng natutuwa sa samahan namin nung araw,” sagot ni Anjo.

Komento naman dito ni Janno, “Ako naman, it’s the nostalgia of seeing us together again for our generation. And sa mga younger generation naman, sa kanila bago yung ginagawa namin, eh. Ngayon lang nila nakikita yung, ‘Ay, may ganito palang comedy.’

“Kasi sanay sila sa comedy nila. So, this is new for them. Plus in this movie iba naman ang… usually magkapatid kami na… this time medyo kakaiba tapos may drama pa ng konti sa dulo. This is slight different from before.”

Mapapanood ang Hello, Universe sa mga sinehan sa January 25, 2023.